Hainbat Eskola Txiki
hola ikusita,
oker ote gabiltzan
nago iritzita,
handikerietan gaur
hain gaude jausita,
txikitu egin ginen
handitzen hasita,
handi egingo gara
txikiei eutsita.

Angel M. Peñagarikano

Iraganean ate ugari
eduki arren itxiak,
denon artean gera
bide bat egitera iritsiak.
Oraina eta etorkizuna
gaur uztartzen dira biak,
ikus dezan gure bihotzak
ikusi gure begiak,
bizi direla eta biziko
gure Eskola Txikiak.

Aitor Mendiluze